დღეს, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოსა და საქართველოს სოციალურ მუშაკთა ასოციაციას შორის  სოციალური მოდულის  დანერგვის ფარგლებში ურთიერთანამშრომლობის მემორანდუმის გაფორმდა. თანამშრომლობის მემორანდუმს ხელი სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დირექტორმა მერი მაღლაფერიძემ და  სოციალურ მუშაკთა ასოციაციის დირექტორმა ქეთევან  გიგინეიშვილმა მოაწერეს. 

მემორანდუმის მიზანია სოციალურ მუშაკთა ასოციაციის (GASW) პროექტის - „შეზღუდული შესაძლებლობის ბიოფსიქოსოციალური შეფასება და სტატუსის განსაზღვრის სისტემა“ ფარგლებში, მხარეებს შორის ურთიერთგაგების და პატივისცემის პრინციპებზე დაფუძნებული მჭიდრო თანამშრომლობა პირის შესაძლებლობის შეზღუდვის შეფასებისა და შესაძლებლობის შეზღუდვის სტატუსის განსაზღვრის სისტემაში ბიოფსიქოსოციალური მოდელის დანერგვისა და ინსტიტუციონალიზაციისათვის. თავის მხრივ, პილოტური პროექტი  ხორციელდება „გაეროს ბავშვთა ფონდისა (UNICEF) და გაეროს მდგრადი განვითარების მიზნების ფონდის (SDG) მხარდაჭერით (პროექტი - „შეზღუდული შესაძლებლობის მქონე პირთათვის სოციალური დაცვის სისტემის ტრანსფორმაცია“). 

აღსანიშნავია, რომ წინამდებარე მემორანდუმი ეფუძნება გაეროს ბავშვთა ფონდისა და საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შორის ურთიერთთანამშრომლობის მემორანდუმს. ამავე პროექტის ფარგლებში, საქართველოს სოციალურ მუშაკთა ასოციაცია ზრუნვის სააგენტოსთან თანამშრომლობს ნინოწმინდის პანსიონიდან გამოყვანილი ბავშვების საჭიროებების განსაზღვრისა და რეინტეგრაციის მიმართულებით. ასოციაციას და სააგენტოს მრავალწლიანი თანამშრომლობა აკავშირებს, განსაკუთრებით კი სოციალური მუშაობის გაძლიერების მიმართულებით.

ავტორი: NS (სტატია დაფინანსებულია),

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა