მიმდინარე კვირიდან, სოფლის ამბულატორიების უმრავლესობა იმუნიზაციის პროცესში სრულად ჩაერთო. პარალელურად, სადაც ვაქცინაცია ვერ ჩატარდება სოფლის ექიმის მიერ, იმუნიზაციას გამსვლელი ბრიგადები უზრუნველყოფენ.-ამის შესახებ ინფორმაციას აჭარის ჯანაცვის სამინისტროს ავრცელებს.

კოვიდსაწინააღმდეგო იმუნიზაციის პროცესს, აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე, დაავადებათა კონტროლის ეროვნული ცენტრის აჭარის სამმართველოს უფროსთან, ნინო გუგუშვილთან ერთად, ხულოს მუნიციპალიტეტის ღორჯომის ადმინისტრაციულ ერთეულში გაეცნო.

,,აცრების მოცვის არეალი აჭარის რეგიონში კიდევ უფრო გაიზარდა. სოფლის მოსახლეობას შესაძლებლობა აქვს უახლოეს თემის სამედიცინო ამბულატორიაში ჩაიტაროს ვაქცინაცია. უკანასკნელი სამი კვირის განმავლობაში, გასვლითი ბრიგადების საშუალებით იცრებოდნენ სოფლად მოსახლეობა, თუმცა მიმდინარე კვირიდან ამბულატორიებში, თითქმის 60-ვე უბანზე ხდება ვაქცინაციის პროცესის დაწყება, გარდა ერთი-ორი დეფიციტური უბნისა, სადაც გასვლითი ბრიგადა გააგრძელებს მუშაობას. ჩვენი მთავარი მიზანია, ყველაზე მოწყვლადი ჯგუფები, განსაკუთრებით რისკჯგუფები, ასაკოვანი მოსახლეობა, იყვნენ პირველ რიგში აცრილნი“,- აღნიშნა მინისტრმა, ნინო ნიჟარაძემ.

"დღევანდელი მონაცემებით აჭარაში სულ - 193 924 დოზა ვაქცინაა ადმინისტრირებული. მათ შორის ერთი დოზით აცრილის ზრდასრული მოსახლეობის 41,2 %, ხოლო ორი დოზით 30.3 %."-ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა