2021-09-04 11:32:54, 572 ნახვა
მსოფლიო
თურქეთის ჯანდაცვის მინისტრი - კოვიდ-19-ით დაღუპულთა უმეტესობა არავაქცინირებული პირია
თურქეთში კოვიდ-19-ით დაინფიცირების და გარდაცვალების შემთხვევების 80–90% არავაქცინირებულებზე ან ვაქცინის ერთი დოზით აცრილ პირებზე მოდის, - მედიის ინფორმაციით, ამის შესახებ თურქეთის ჯანდაცვის მინისტრმა ფაჰრეთინ კოჩამ განაცხადა.
„18 წლის და უფროსი ასაკის ჩვენი მოსახლეობის 78 %-ზე მეტს ერთი დოზა აქვს მიღებული, 60 %-ზე მეტი კი სრულად ვაქცინირებულია,“- აღნიშნა მინისტრმა.
მისი თქმით, თურქეთში ამჟამად 500 000 აქტიური შემთხვევაა და 81% იმ ადამიანებზე მოდის, რომლებიც სრულად ვაქცინირებულები არ არიან. ამასთან, ჰოსპიტალიზებული და დაღუპული პირების 90 %-ს კოვიდ 19-ის საწინააღმდეგო ვაქცინის არცერთი ან მხოლოდ ერთი დოზა აქვთ მიღებული.
ავტორი: ექსპრესნიუსი,
epn.ge (@expressnews.ge)
