2021-07-19 14:48:12, 1067 ნახვა

---

Politico-ს ინფორმაციით, ნატო-ს გენმდივნის პოსტზე ბალტიის ქვეყნების წარმომადგენელი 3 ქალი განიხილება

გამოცემა Politico-ს ინფორმაციით, ნატო-ს გენერალური მდივნის თანამდებობაზე შესაძლო კანდიდატებად ბალტიის ქვეყნების წარმომადგენელი სამი ქალი განიხილება.

გამოცემის ცნობით, ნატო-ს გენერალური მივნის პოსტზე შესაძლო კანდიდატები არიან: ხორვატიის ყოფილი პრეზიდენტი კოლინდა გრაბარ-კიტაროვიჩი, ლიეტუვის ყოფილი პრეზიდენტი დალია გრიბაუსკაიტე და ესტონეთის მოქმედი პრეიდენტი კურსტი კალიურანდი.

ამასთანავე, Politico-ს სტატიაში აღნიშნულია, რომ ბრიუსელში ოფიციალური პირები უკვე განიხილავენ, რომ 72 წლის შემდეგ, დროა, ჩრდილოეთ ატლანტიკურ ალიანსს ქალმა უხელმძღვანელოს.

ცნობისთვის, ნატო-ს ამჟამინდელ გენერალურ მდივანს, იენს სტოლტენბერგს თანამდებობაზე უფლებამოსილება 2022 წლის სექტემბერში ეწურება. ის აღნიშნულ თანამდებობას 2014 წლის ოქტომბრიდან იკავებს.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი