დეკანოზი ანდრია ჯაღმაიძე 5 ივლისის მოვლენებზე - საპატრიარქომ რატომ უნდა იგრძნოს პასუხისმგებლობა?

2021-07-13 12:32:09, 1045 ნახვა

კომენტარი

საპატრიარქომ რატომ უნდა იგრძნოს ამაზე პასუხისმგებლობა? , - ასე უპასუხა საპატრიარქოს საზოგადოებასთან ურთიერთობის ხელმძღვანელმა, დეკანოზმა ანდრია ჯაღმაიძემ ჟურნალისტის შეკითხვას, გრძნობს თუ არა საპატრიარქო პასუხისმგებლობას 5-6 ივლისს განვითარებულ მოვლენებთან დაკავშირებით.

როგორც დეკანოზი ანდრია ჯაღმაიძე განმარტავს, საპროტესტო აქციებზე, რომლებიც 2 დღის განმავლობაში რუსთაველის გამზირზე იმართება, საპატრიარქოს მიმართ სიძულვილის ენაა.

„საპატრიარქომ რატომ უნდა იგრძნოს ამაზე პასუხისმგებლობა? ძალადობას ახლა ვხედავთ ჩვენ ამ დღეებში რაც ხდება, მიტინგზე. იქ არის ძალადობა, რა თქმა უნდა. საპატრიარქოს მიმართ არის სიძულვილის ენა, აღუწერელი. მე თქვენ გეტყვით, რომ დღეს ლექსო იქ აღარავის აინტერესებს, მე მგონი, უმეტესობას აღარ აინტერესებს. ლექსოს დღეს წესს აუგებენ, მას უნდოდა პატრიარქთან მოსვლა და მე დარწმუნებული ვარ, რომ მაგ მიტინგზე ლექსო არ მივიდოდა“, - განაცხადა დეკანოზმა ანდრია ჯაღმაიძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან