ინგა გრიგოლია ირაკლი ღარიბაშვილს - ტრი-ტრი, ვის გაუბედე რომ დაგვემუქრე? ნახავ, როგორია მედიის ძალა!

2021-07-12 13:17:31, 828 ნახვა

კომენტარი

ტრი-ტრის კიდევ ერთხელ ვეტყვი, თუ მაგარი ბიჭი ხარ, მოდი დამიჭირე, ან აიღე პასუხისმგებლობა, - ამის შესახებ „ტელეკომპანია პირველის“ ჟურნალისტმა, ინგა გრიგოლიამ განაცხადა.

როგორც ინგა გრიგოლიამ აღნიშნა, ირაკლი ღარიბაშვილი ახლა ნახავს, თუ როგორია მედიის ძალა.

„მე არ მგონია, რომ ეს ერთ ტელევიზიას და ჟურნალისტს ეხება. ტრი-ტრის კიდევ ერთხელ ვეტყვი, თუ ხარ მაგარი ბიჭი ირაკლი, მოდი და დამიჭირე. თუ ხარ მაგარი ბიჭი, იმიტომ რომ შენ გემორჩილება ყველა, ან აიღე პასუხისმგებლობა, შენ ვის გაუბედე დღეს ირაკლი ღარიბაშვილო, რომ დაგვემუქრე? ვის გაუბედე, რომ ანტისახლმწიფოებრივ ქმედებებში გვადანაშაულებ, როცა ჩვენ აქ ჩვენი კოლეგის ტრაგედიამ გამოგვიყვანა. ირაკლი ღარიბაშვილი ნახავს, როგორია მედიის ძალა“, - განაცხადა ინგა გრიგოლიამ.

შეგახსენებთ, რომ ამ წუთებში საკანონმდებლო ორგანოსთან მედიაკორპუსის წარმომადგენლები არიან შეკრებილნი, რომლებსაც მიუხედავად აკრედიტაციისა, შენობაში შესვლის საშუალებას არ აძლევენ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან