2021-06-29 23:09:01, 1398 ნახვა
მსოფლიო
Reuters-ის ინფორმაციით, ესტონეთში შენახვის პირობების დარღვევის გამო, AstraZeneca-ს ვაქცინის 68 ათასი დოზა გაფუჭდა
Reuters-ის ინფორმაციით, ესტონეთში, შენახვის პირობების დარღვევის გამო, კორონავირუსის საწინააღმდეგო „ასტრაზენეკას“ ვაქცინის 68 000 დოზაზე მეტი გაფუჭდა.
როგორც გამოცემა ქვეყნის ჯანდაცვის სამინისტროზე დაყრდნობით წერს, ვაქცინის გაფუჭება სივრცეს უკავშირდება, რომელშიც ტემპერატურა 15 გრადუს ცელსიუსამდე ავიდა.
ამასთანავე, Reuters-ის ცნობით, აღნიშნული ვაქცინები სხვა ქვეყნებში გასაგზავნად იყო განკუთვნილი, შესაბამისად, ქვეყნის ჯანდაცვის სამინისტროში აცხადებენ, რომ ესტონეთში კოვიდსაწინააღმდეგო ვაქცინაციის პროცესი არ შეჩერდება.
Reuters-ი იტყობინება, რომ ზარალი 1.5 მილიონ ევროს შეადგენს.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
