„ქუთაისი იქცა ტრადიციულ ქართულ დერეფნად ტურისტებისა და ადგილობრივებისთვის, რომელსაც განახლებული აეროპორტი მასპინძლობს“, - ასე მოიხსენიებენ  ჰოლანდიური არქიტექტურული კომპანია UN STUDIO-ს მთავარი არქიტექტორები ვიდეო-რგოლში დავით აღმაშენებლის სახელობის ქუთაისის საერთაშორისო აეროპორტს.

კომპანია UN Studio-ს ქუთაისის საერთაშორისო აეროპორტის, როგორც ძველი, ისე განახლებული ტერმინალის კონცეპტ-დიზაინი ეკუთვნის. 3 წუთნახევრიან ვიდეო-რგოლში საუბარია განახლებული აეროპორტის უნიკალურ დიზაინზე და ზოგადად, აეროპორტის მნიშვნელობაზე საქართველოსთვის და განსაკუთრებით, იმერეთის რეგიონისთვის.

„ეს არ არის დანიშნულების ადგილი მხოლოდ უცხოელი ვიზიტორებისთვის. ეს არის შექმნილი საქართველოს მოსახლეობისთვის, განსაკუთრებით კი იმერლებისთვის. ჩვენ შევქმენით ე.წ. ერთობლივი ყვითელი ქოლგა, რომელიც ზოგადად ადამიანების კომფორტსა და ზრუნვაზეა ორიენტირებული. ქოლგის შიგნით არის მესამე სივრცე, შიდა ეზო. ეს არის ამ ორიგინალური ტერმინალის საიდუმლო ელემენტი და სწორედ ეს კონცეფცია გავიზიარეთ ტერმინალის გაფართოებისას. რათა მოგზაურობა უფრო სასიამოვნო და რომანტიკულიც გამხდარიყო“,-აცხადებენ ქუთაისის აეროპორტის კონცეფტ-დიზაინის შემქმნელები.

ვიდეო-რგოლში საუბარია იმაზე, რომ ახალი აეროპორტის დიზაინი მთლიანად მგზავრების კომფორტზეა მორგებული.

„ახალი ინტერიერი აეროპორტის სავიზიტო ბარათია. 2014 წელს ქუთაისის საერთაშორისო აეროპორტი მსოფლიოს 14 ულამაზეს აეროპორტებს შორის მოხვდა. დიდი მადლობა გვსურს ვუთხრათ საქართველოს აეროპორტების გაერთიანებას, რომელთანაც დიდი ხნის თანამშრომლობა გვაკავშირებს, სწორედ მათი დაკვეთით შევასრულეთ ქუთაისის საერთაშორისო აეროპორტის დიზაინი“, - აცხადებენ UN Studio-ს არქიტექტორ-დიზაინერები.

ავტორი: NS (სტატია დაფინანსებულია),

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს