საფრანგეთის პრეზიდენტს, ემანუელ მაკრონს უცნობმა პირმა სახეში სილა გააწნა. ინფორმაციას სააგენტო „როიტერი“ ავრცელებს.

ინციდენტი სამხრეთ-აღმოსავლეთ საფრანგეთში, დრომის რეგიონში მოხდა, როდესაც პრეზიდენტი პანდემიის შემდეგ ცხოვრების ნორმალიზების შესახებ სტუდენტებსა და რესტორატორებს ხვდებოდა.

კადრებში ჩანს, რომ მაკრონი მოქალაქეებთან ხელის ჩამოსართმევად მივიდა, რა დროსაც უცნობმა კაცმა მას სილა გააწნა. BBC ფრანგულ მედიაზე დაყრდნობით წერს, რომ ინციდენტის შემდეგ ორი ადამიანი დააკავეს.

მედიის ცნობით, შემთხვევის დროს ისმოდა შეძახილი — "ძირს მაკრონიზმი". როგორც ვიდეოში ჩანს, ინციდენტის მიუხედავად, მაკრონი რკინის ბარიკადთან დაბრუნდა და იქ შეკრებილ საზოგადოებასთან ინტერაქცია გააგრძელა.

ავტორი: ექსპრესნიუსი,

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს