საქართველოსა და მალტას შორის ტურიზმის სფეროში თანამშრომლობის გაღრმავებასა და პანდემიის შედეგად ტურისტული ინდუსტრიის წინაშე არსებული გამოწვევების დაძლევის გზებზე ისაუბრეს საქართველოს ეკონომიკისა და მდგრადი განვითარების მინისტრის მოადგილემ გენადი არველაძემ და მალტის ტურიზმის მინისტრმა კლეიტონ ბარტოლომ.

აღინიშნა, რომ ტურიზმი ორივე ქვეყნის ეკონომიკის ერთ-ერთი წამყვანი სექტორია. ამდენად, პანდემიის შედეგად როგორც საქართველოს, ასევე მალტის ტურისტულ ინდუსტრიას მსგავს გამოწვევებთან მოუწია გამკლავება. მხარეებმა ერთმანეთს გაუზიარეს გამოცდილება ტურიზმის სექტორის მხარდაჭერის კუთხით და ისაუბრეს იმ გადაწყვეტილებებზე, რომელიც მათ როგორც ზოგადად ეკონომიკის, ასევე კონკრეტულად ტურისტული სექტორის მხარდაჭერის მიმართულებით განახორციელეს.

მინისტრის მოადგილემ მალტის ტურიზმის მინისტრს მიაწოდა ინფორმაცია იმის შესახებ, რომ საქართველომ წარადგინა საკუთარი კანდიდატურა გაეროს მსოფლიო ტურიზმის ორგანიზაციის აღმასრულებელი საბჭოს წევრობაზე. კენჭისყრა მიმდინარე წლის ივნისში უნდა გაიმართოს. გენადი არველაძემ კლეიტონ ბარტოლოს არჩევნებში მხარდაჭერა სთხოვა.

დასასრულს, მხარეები შეთანხმდნენ, რომ ხელს შეუწყობენ ტურიზმის სფეროში თანამშრომლობის გაღრმავებას როგორც ორმხრივ, ასევე რეგიონალურ ფორმატში.

ავტორი: NS (სტატია დაფინანსებულია),

სოციალური ქსელები

ირანი აშშ-ს ტანკერების თავდასხმის შემდეგ უფრო ძლიერი სამხედრო პასუხით ემუქრება

ISW: უკრაინის შეიარაღებულმა ძალებმა სამ მიმართულებით წინსვლა განახორციელეს და რუსეთის რამდენიმე შეტევითი მცდელობა ჩაშალეს

პუტინმა ტრამპის წარმომადგენლებთან მოლაპარაკებების დროს განაცხადა, რომ ის უკრაინაში ომის მიზნებს და „პროგრესს აღწევს“

უშაკოვმა პუტინის ვიტკოფთან და კუშნერთან მოლაპარაკებების შედეგების შესახებ ინფორმაცია მიაწოდა