ნიკა მელიას ადვოკატის, გიორგი კონდახიშვილის განცხადებით, გამოჩნდა გირაოს გადახდის მსურველი, რომელმაც პროკურატურას უკვე მიმართა.

როგორც კონდახაშვილმა აღნიშნა, ვინმე ბესიკ ბოგველი მზად არის გადაიხადოს ნიკა მელიას გირაოს თანხა 40 ათასი ლარის ოდენობით.

მან ასევე განაცხადა, რომ ეს არის ხელისუფლების მიერ დადგმული სპექტაკლი.

„პარტია „ერთიან ნაციონალურ მოძრაობაში“ მიღებული იქნა წერილი, ვინმე ბესიკ ბოგველის მიერ გადმოგზავნილი, აღნიშნული წერილის შინაარსიდან გამომდინარე, ჩვენთვის გახდა ცნობილი, პირადად ბესიკ ბოგველმა ოფიციალურად მიმართა საქართველოს გენერალურ პროკურატურას და გამოთქვეს მზად ყოფნა, გადაიხადონ ნიკა მელიას მიმართ გამოყენებული გირაოს თანხა 40 ათასი ლარის ოდენობით.

მინდა დავაფიქსირო ნიკა მელიას პოზიცია, რომ აღნიშნული არის მიუღებელი. დიდი ალბათობით საქმე გვაქვს ხელისფულების მიერ დადგმულ სპექტაკლთან.

მინდა საზოგადოებისთვის განვმარტო მნიშნელოვანი რამ - პროკურატურა საზოგადოებაში ავრცელებს ინფორმაციას, რომ ნიკა მელიას შეუძლია ნებისმიერ დროს გადაიხადოს გირაო და გათავისუფლდეს პატიმრობიდან. ეს არის ტყუილი და ეს არის ხელისუფლების მიერ გამოყენებული პროპაგანდა.

დღეის მდგომარეობით ნიკა მელიას სასამართლოს მიერ შეფარდებული აქვს აღკვეთის ღონისძიება დაპატიმრება.  რითაც 3 ნოემბერს გამოტანილი გადაწყვეტილება გირაო არის ანულირებული. ამიტომაც შეუძლებელია ნებისმიერი პირისგან, თუნდაც ნიკა მელიასგან გირაოს გადახდა როგორც ტექნიკური ასევე სამართლებრივი თვალსაზრისით.

მაშინ ჩნდება კითხვა, როდესაც პროკურატურა და მმართველი გუნდი მოუწოდებს ნიკა მელიას გადაიხადოს გირაო და ის გათავისუფლდება, რომელი დადგენილებით შეიძლება, რომ მოხდეს ან რა რაოდენობის გირაოზეა საუბარი“, - განაცხდა გიორგი კონდახიშვილმა.

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს