გვესმის, რომ ეს გამოიწვევს მეტ შიშს, ბევრ კითხვის ნიშანს, უნდობლობას, შევეცდებით მოქალაქეებს დავუბრუნოთ რწმენა ვაქცინაზე, - ამის შესახებ ჯანდაცვის მინისტრის მოადგილემ, თამარ გაბუნიამ 27 წლის კოვიდვაქცინირებული ექთნის გარდაცვალებაზე საუბრისას განაცხადა.

როგორც მინისტრის მოადგილემ აღნიშნა, საქართველოში ანაფილაქსიური შოკით გარდაცვალების შემთხვევა ყოველწლიურად ფიქსირდება, ასევე გასულ წელს დაფიქსირდა გარდაცვალების 2 შემთხვევაც.

„სამწუაროდ ანაფილაქსიური შემთხვევები ქვეყანაში ყოველწლიურად ფიქსირდება, ეს აქამდე არ უკავშირდებოდა კორონავირუსის ვაქცინას, რადგან ეს ახალი ვაქცინაა, დაახლოებით 40-60 შემთხვევა სტატისტიკაში აღწერილია, გარდაცვალების შემთხვევებიც არის დაფიქსირებული, გასულ წელს ანაფილაქსიით 2 გარდაცვალების შემთხვევაა აღრიცხული. ძალიან სამწუხაროა ის, რომ ეს წლევანდელი გარდაცვალების შემთხვევა დაემთხვა კორონავირუსის ვაქცინაციას და იმას, რომ ჩვენ ახლა ვიწყებთ ვაქცინაციის პროცესს და რა თქმა უნდა, ჩვენ გვესმის, რომ ეს გამოიწვევს კიდევ მეტ შიშს, ბევრ კითხვის ნიშანს და უნდობლობას მოსახლეობისთვის, ამდენად მაქსიმალურად შევეცდებით, რომ სრული და ზუსტი ინფორმაცია მიიღოს თითოეულმა მოქალაქემ იმისთვის, რომ მათ დაიბრუნონ რწმენა ვაქცინაციის სარგებელთან და მოსალოდნელ სიკეთესთან დაკავშირებით“, - განაცხადა თამარ გაბუნიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა