2021-03-13 14:10:32, 760 ნახვა
მსოფლიო
ადგილობრივი მედიის ცნობით, ნიკოლ ფაშინიანი დღეს სომხეთის პრეზიდენტს შეხვდება
დღეს სომხეთის პრემიერ-მინისტრი ნიკოლ ფაშინიანი პრეზიდენტ არმენ სარქსიანთან შეხვედრას გამართავს, - ინფორმაციას ამის შესახებ ადგილობრივი მედია ავრცელებს.
12 მარტს პრეზიდენტის აპარატმა გაავრცელა განცხადება, სადაც საუბარია, რომ პრეზიდენტის მცდელობა, შეეკრიბა მთავრობის მეთაური და ოპოზიციური პარტიების წარმომადგენლები უშედეგო აღმოჩნდა, რის შემდეგაც, არმენ სარქისიანმა გადაწყვიტა მხარეებთან ცალ-ცალკე შეხვედრის გამართვა.
გავრცელებული ინფორმაციით, ნიკოლ ფაშინიანი დღეს საგარეო საქმეთა სამინისტროშიც მივა, მიმდებარე ტერიტორიაზე კი მისი გადადგომის მოთხოვნით საპროტესტო აქცია უკვე დაიწყო.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
