2021-03-10 22:09:47, 564 ნახვა
მსოფლიო
„გვითხრეს, რომ აქციის მონაწილეები უნდა მოგვეკლა“ - მიანმარში პოლიციელებმა ბრძანების შესრულებაზე უარი განაცხადეს
მიანმარში აქციის დაშლაზე პოლიციის რამდენიმე ოფიცერმა უარი განაცხადა და ქვეყანა დატოვეს.
ამის შესახებ ინფორმაციას „ბი ბი სი“ ავრცელებს.
როგორც მედია იუწყება, პოლიციის ოფიცრებმა ქვეყანა დატოვეს და იმალებიან.
პოლიციელმა, პირობითად ბირმა „ბი ბი სი“-ს განუცხადა - „მე მომცეს ბრძანება, მესროლა მომიტინგეებზე. მე მათ ვუთხარი, რომ არ შემიძლია“.
პოლიციელი ახლა ინდოეთის ჩრდილო-აღმოსავლეთ შტატში, მიზორმაში იმალება.
„მეშინოდა, რომ იძულებული გავხდი მომეკლა ან ზიანი მიმეყენებინა უდანაშაულო ადამიანების მიმართ“, - განუცხადა კიდევ ერთმა ოფიცერმა „ბი ბი სი“-ს.
ავტორი: ექსპრესნიუსი,
epn.ge (@expressnews.ge)
