2015-09-29 19:01:34, 439 ნახვა

---

სახელმწიფო მინისტრის აპარატში ევროკავშირის შემფასებელი მისიის ექსპერტებთან სამუშაო შეხვედრა გაიმართა

ევროპულ და ევროატლანტიკურ სტურქტურებში ინტეგრაციის საკითხებში სახელმწიფო მინისტრის აპარატში ევროკავშირის შემფასებელთა მისიის ექსპერტებთან სამუშაო შეხვედრა გაიმართა.

სახელმწიფო მინისტრის აპარატისა და სავიზო რეჟიმის ლიბერალიზაციის სამოქმედო გეგმის იმპლემენტაციის პროცესში ჩართული  სხვა უწყებების წარმომადგენლებმა ექსპერტებს ინფორმაცია მიაწოდეს ევროკავშირსა და საქართველოს შორის სავიზო რეჟიმის ლიბერალიზაციის სამოქმედო გეგმის იმპლემენტაციისა და საქართველოს ხელისუფლების მიერ ევროკომისიის მე-3 ანგარიშის რეკომენდაციების შესრულების მიმართულებით ჩატარებული ღონისძიებების შესახებ.

აღსანიშნავია, რომ მიმდინარე წლის მაისიდან, საერთო ჯამში, მიღებულ იქნა 15-მდე საკანონმდებლო ცვლილება, შეიქმნა ახალი სტრუქტურული ერთეულები, შემუშავდა შესაბამისი ინსტრუქციები და რეგულაციები, დაინერგა ახალი სერვისები, გააქტიურდა საინფორმაციო კამპანიები საქართველოსა და ევროკავშირს შორის სავიზო ლიბერალიზაციის სამოქმედო გეგმით (VLAP) განსაზღვრული მიმართულებებით.

ევროკავშირის შემფასებელი მისიის ანგარიში საქართველოს მიერ სავიზო ლიბერალიზაციის სამოქმედო გეგმის შესრულებასთან დაკავშირებით ევროკომისიის რიგით მე-4 ანგარიში მიმდინარე წლის 15 დეკემბერს გამოქვეყნდება.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი