2020-12-10 12:23:06, 1251 ნახვა

---

პაატა იმნაძის განცხადებით, მიუხედავად ხარვეზებისა, ჯანდაცვის სისტემამ გაუძლო კოვიდინფექციის მაღალ მაჩვენებელს

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე აცხადებს, რომ მიუხედავად ხარვეზებისა, ჯანდაცვის სისტემამ გაუძლო კორონავირუსის მზარდ მაჩვენებელს.

მისივე თქმით, იმ შემთხვევაში თუ შეზღუდვები არ დაწესდებოდა, ჯანდაცვის სისტემა ვეღარ გაუძლებდა.

„ნებისმიერი თავყრილობა, უნიღბოდ ყოფნა, უდისტანციობა დაახლოებით 2 კვირაში გვაძლევს თავის შედეგს, შესაბამისად, ნებისმიერი შეზღუდვა კიდევ 2 კვირაში, ამიტომ ჩვენ ვნახეთ, რომ შეზღუდვების დაწესებიდან 2 კვირის შემდეგ, გაჩერდა ინფიცირების ზრდა და ახალი შემთხვევები აღარ იზრდება. ამასთანავე, ჩვენ მსოფლიოში კორონავირუსის გავრცელებით, 100 000 მოსახლეზე პირველ ადგილზე ვართ, თუმცა ჩვენმა სისტემამ გაუძლო, კი ხარვეზებით, ვიცით, როგორი იყო, მაგრამ ფაქტია, რომ სისტემამ გაუძლო ამას, მაგრამ მეტს ვეღარ გაუძლებდა“, - განაცხადა პაატა იმნაძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი