2020-11-30 11:15:47, 600 ნახვა

---

ელენე ხოშტარია კარტოგრაფებზე - არათუ დაკავება, არამედ ამ ადამიანებს მადლობა ეკუთვნის სახელმწიფოსგან

„არათუ დაკავება, არამედ ამ ადამიანებს მადლობა ეკუთვნის ჩვენი სახელმწიფოსგან“, - ასე გამოეხმაურა „ევროპული საქართველოს“ წევრი, ელენე ხოშტარია ე.წ კარტოგრაფების საქმეს.

ხოშტარიას თქმით, ერთადერთი მიზეზი რატომაც ნატალია ილიჩოვა და ივერი მელაშვილი არიან პატიმრობაში, ესა „ბიძინა ივანიშვილის წინასაარჩევნო რაღაცა პოლიტიკური ბინძური თამაშები“.

„კარტოგრაფები არა პოლიტიკური, არამედ სინდისის პატიმრები არიან. არ არსებობს არც ერთი ფაქტი რის გამოც არათუ დაკავება, არამედ ამ ადამიანებს მადლობა ეკუთვნის ჩვენი სახელმწიფოსგან. ერთადერთი მიზეზი რატომაც ისინი არიან მძევლებად, მე ასე დავარქმევდი მათ, ეს არის ბიძინა ივანიშვილის წინასაარჩევნო რაღაცა პოლიტიკური ბინძური თამაშები. ყველას ვალია, რომ გავაკეთოთ ყველაფერი, რადგან რაც შეიძლება სწრაფად ვიხსნათ მძევლობიდან ეს ორი ადამიანი“, - განაცხადა ხოშტარიამ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი