პარლამენტში საპროცედურო საკითხთა კომიტეტის სხდომა,  სადაც პრემიებთან დაკავშირებით, უმრავლესობის დეპუტატ ზაქარია ქუცნაშვილის ინიციატივას განიხილავენ, ხმაურის ფონზე მიმდინარეობს.

სხდომაზე ერთმანეთს "ნაციონალური მოძრაობის" წევრი სერგო რატიანი და უმრავლესობის წარმომადგენელი კარლო კოპალიანი დაუპირისპირდნენ. კოპალიანმა პრემიებთან დაკავშირებით   რატიანის გამოსვლა გააპროტესტა.

" ღადაობ, თუ რას შვები?" - მიმართა კოპალიანმა რატიანს. კოპალიანის ამ მიმართვას ხმაური მოჰყვა.

სხდომაზე სერგო რატიანმა მოქმედი ხელისუფლების დროს საყდრისის ოქროს მაღაროს ნგრევაც გაიხსენა, ქუცნაშვილმა კი მას ასე უპასუხა: "აქციაზე ხომ არ გგონია თავი?"

საპროცედურო საკითხთა კომიტეტის სხდომაზე პრემიებთან დაკავშირებით  ინიციატივის განხილვა გრძელდება.

ცნობისთვის,  დეპუტატ ზაქარია ქუცნაშვილის მიერ დარეგისტრირებული  „საჯარო სამსახურის შესახებ“ კანონპროექტის თანახმად,  25 მაღალი რანგის 800–მდე თანამდებობის პირს  2016 წლის პირველ იანვრამდე პრემიის მიღება უნდა შეეზღუდოს.

კანონის პროექტის თანახმად, 25 რანგიდან 24  სახელმწიფო ხელისუფლების ორგანოების მაღალი თანამდებობის პირებს და მათ მოადგილეებს ეხება, ხოლო ერთი-ადგილობრივი ხელისუფლების შემდეგ თანამდებობის პირებს:  საკრებულოს თავჯდომარეს, მერსა და გამგებელს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები