„საჯარო სამსახურებში ძალიან ღირსეული ადამიანები მუშაობენ და მათ ღირსეული ანაზღაურება სჭირდებათ“, – ამის შესახებ ფინანსთა მინისტრმა ნოდარ ხადურმა ჟურნალიტებს პრემიების საკითხზე დეპუტატ ზაქარია ქუცნაშვილის ინიციატივასთან დაკავშირებით განუცხადა.

მისივე თქმით,  პრემირების სისტემის მოწესრიგებაზეა საუბარი, თუმცა ეს არ ნიშნავს, რომ თანამდებობის პირები პრემიებს აღარ მიიღებენ.

„მგონია, რომ ღია კარებს ვამტვრევთ. პრემირების სისტემა მოწესრიგებულია მინისტრების დონეზე. რაც შეეხება ზოგადად შრომის ანაზღაურებას, არაერთხელ მითქვამს, რომ საჯარო სამსახურებში ძალიან ღირსეული ადამიანები მუშაობენ და მათ ღირსეული ანაზღაურება სჭირდებათ. პრემირების სისტემის გადახედვაზე საუბარი არ არის, არამედ, ლაპარაკია იმაზე, რომ უნდა მოწესრიგდეს. ჩვენ მზად ვართ ყველასთან შევიდეთ კომუნიკაციაში, მაგრამ მოწესრიგება არ ნიშნავს იმას, რომ ადამიანებს პრემია არ უნდა მივცეთ. ვინც დაიმსახურა, ის აუცილებლად მიიღებს პრემიას“, – აღნიშნა ხადურმა.

ცნობისთვის პარლამენტში დეპუტატმა ზაქარია ქუცნაშვილმა „საჯარო სამსახურის შესახებ“ კანონპროექტი დაარეგისტრირა, რომლის თანახმადაც 25 მაღალი რანგის 800–მდე თანამდებობის პირს  2016 წლის პირველ იანვრამდე პრემიის მიღება უნდა შეეზღუდოს.

კანონის პროექტის თანახმად, 25 რანგიდან 24  ეხება სახელმწიფო ხელისუფლების ორგანოების მაღალი თანამდებობის პირებს და მათ მოადგილეებს. ხოლო ერთი ადგილობრივი ხელისუფლების შემდეგ თანამდებობის პირებს –  საკრებულოს თავჯდომარე, მერსა და გამგებელს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები