იუსტიციის მინისტრი თეა წულუკიანი პოლიტიკურ პროცესში გენდერული კვოტების დაწესებას მხარს უჭერს, თუმცა მიაჩნია, რომ პარლამენტის დონეზე ეს მიზანშეუწონელი იქნება. 

ამის შესახებ წულუკიანმა ადამიანის უფლებათა დაცვის კომიტეტზე განაცხადა, სადაც გენდერული კვოტების შესახებ კანონპროექტს განიხილავენ. 

„მრავალი წელია,  რაც პოლიტიკაში მონაწილეობის თემას ვაკვირდები და ვსწავლობ. როგორც ქართველ ქალს ეს ყოველთვის მაინტერესებდა. დასკვნა გამოვიტანე, რომ ვინც კვოტების წინააღმდეგია, უმრავლეს შემთხვევაში მათ უბრალოდ თემა არ მოსწონთ და სიღრმისეულად საკითში ჩახედულები არ არიან. სანამ მეც არ მქონდა ჩახედული ამ თემაში არ ვემხრობოდი კვოტების სისტემას. მაგრამ დიდი ხნის წინ მივხვდი, რომ ეს არის ის, რასაც საქართველოში მხარი უნდა დავუჭიროთ, თუ ჩვენ გვინდა მივაღწიოთ სამართლიანობას პოლიტიკურ პროცესში და პოლიტიკური პროცესი სამართლიანი ვერ იქნება საქართველოში, თუ კი იქ საქართველოს ქალებს თავიანთი ადგილი არ ექნებათ. კვოტების სისტემა არის ორი სხვადასხვა, ერთი არის, როდესაც დრაკონული წესი შემოდის კანონით. არსებობს ქვეყნები, სადაც პარლამენტში დაჯავშნილია სკამები და ამ სკამზე ვერ მოკალათდება საპირისპირო სქესის ადამიანი. მე არ მგონია, რომ ასე შორს უნდა წავიდეთ და ქალბატონებისთვის  უნდა გამოიყოს დაჯავშნილი სკამები, რომელსაც ვერ დაიკავებენ მამაკაცები. ანუ პარლამენტის დონზე დავაწესოთ კვოტები, ვფიქრობ ეს მიზანშეწონილი არ იქნებოდა“, - აღნიშნა წულუკიანმა. 

მინისტრი მიიჩნევს, რომ გენდერული კვოტები პოლიტიკური პარტიების დონეზე უნდა დაწესდეს. 

„კარგი იქნებოდა, კანონმა პოლიტიკური პარტიები დაავალდებულოს, როდესაც სიების შედგენას დაიწყებენ, იქ იფიქრონ ქალ კანდიდატებზეც. რატომღაც ხდება ხოლმე ისე, რომ სია უცბად ივსება მხოლოდ მამაკაცებით და შემდეგ დაიწყება მოძიება, რომ სია გაალამაზონ. თუ აქტივში არის ქალი, დაამატებენ ხოლმე. მე არ მახსოვს შემთხვევა, სიის შედგენისას პარტიებს ეფიქროთ, რომ პირველ ათეულში, რომელიც გამსვლელ ათეულად ითვლება, თუნდაც 1/3 მაინც ყოფილიყო ქალი“, - განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები