ოზურგეთის მუნიციპალიტეტის დაბა ნარუჯაში, შპს „ბლუბერის" კუთვნილ ლურჯი მოცვის პლანტაციაში გურიის რეგიონის ფერმერებთან შეხვედრა გაიმართა.

შეხვედრაზე ყურადღება იმ ძირითად სტრატეგიულ მიმართულებებზე გამახვილდა, რაზეც გარემოს დაცვისა და სოფლის მეურნეობის სამინისტრო აქტიურად მუშაობს და  დონორ ორგანიზაციებთან ერთად, დამტკიცებული სტრატეგიული გეგმის შესაბამისად მომდევნო წლების განმავლობაში იმუშავებს. ამ გეგმის შესაბამისად, დაგეგმილია სოფლის მეურნეობის მიმართულებით ფერმერების მხარდაჭერის პროგრამების გაგრძელება, ახალი პროგრამების შეთავაზება სხვადასხვა სოფლის მეურნეობის დარგების შესაბამისად. ასევე,  ფერმერებისათვის სხვადასხვა საგრანტო პროგრამების შეთავაზება.

შეხვედრას გარემოს დაცვისა და სოფლის მეურნეობის მინისტრი ლევან დავითაშვილი, მინისტრის ყოფილი მოადგილე  ხატია წილოსანი, „ქართული ოცნების" ოზურგეთის, ლანჩხუთის, ჩოხატაურის მაჟორიტარი დეპუტატობის კანდიდატი ვასილ ჩიგოგიძე და ადგილობრივი ხელისუფლების წარმომადგენლები დაესწრნენ.

„ ძალიან საინტერესო შეხვედრა გვქონდა ფერმერებთან, სადაც სოფლის მეურნეობაზე საუბრისას, ბევრი აქტუალური კითხვა დაისვა. ასევე, იყო საინტერესო ინიციატივებიც. უამრავი რამ კეთდება და ვფიქრობ რეგულარული კომუნიკაცია და მსგავსი ტიპის შეხვედრები ამ ყველაფერს ხელს შეუწყობს. მინდა აღვნიშნო, რომ ის საჭიროებები, ინიციატივები რაც დღეს ფერმერებს აქვთ საჭიროა მაღალი ტრიბუნიდანაც ისმოდეს. სწორედ ამიტომ, ჩვენი პარტიის კანდიდატი ბატონი ვასილ ჩიგოგიძე იქნება ის ადამიანი, ვინც რეგიონის პრობლემატიკას მთავრობამდე მოიტანს და მომავალში აქტუალობას არ დაკარგავს" - განაცხადა ლევან დავითაშვილმა.

„ შეხვედრაზე წარმოდგენილი იყვნენ ფერმერები, რომლებიც საქმიანობას სოფლის მეურნეობის სხვადასხვა მიმართულებით ახორციელებენ. ვისაუბრეთ განხორციელებულ პროექტებზე და სამომავლო გეგმებზე. ფერმერებს აუცილებლად ექნებათ ჩემი დიდი მხარდაჭერა და ეს იქნება ჩემი პრიორიტეტი მომავალშიც. ჩვენ კიდევ ვისაუბრებთ რეგიონში სოფლის მეურნეობის ხელშეწყობაზე" - აღნიშნა ვასილ ჩიგოგიძემ. 

ავტორი: NS (სტატია დაფინანსებულია),

სოციალური ქსელები

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა

Z-ბლოგერებმა უარყვეს რუსეთის გენერალური შტაბის მტკიცება, რომ მათ დონეცკის ოლქის ერთ-ერთი მნიშვნელოვანი ქალაქი დაიკავეს