გიგლა აგულაშვილმა ბუნებრივი რესურსებით სარგებლობისათვის ახალი მიდგომების აუცილებლობაზე ისაუბრა

2015-09-19 18:19:40, 541 ნახვა

საზოგადოება

სასტუმრო “ამბასადორში“ ბუნებრივი რესურსების მართვის ოპტიმიზაციის ახალ ხედვებზე იმსჯელეს.

გარემოსა და ბუნებრივი რესურსების დაცვის მინისტრმა გიგლა აგულაშვილმა ბუნებრივი რესურსებით სარგებლობისათვის ახალი მიდგომების აუცილებლობაზე ისაუბრა.

მინისტრის მოადგილემ თეიმურაზ მურღულიამ ბუნებრივ რესურსების ფასწარმოქმნასთან დაკავშირებით ახალი ხედვა და პრეზენტაცია წარადგინა, რაც საწყისი სააუქციონო ფასის გაანგარიშებას უფრო ეფექტურს გახდის და სამომავლოდ ბუნებრივი რესურსების რაციონალურ მართვასა და ქვეყნის ეკონომიკურ მდგომარეობაზე დადებითად აისახება.

შეხვედრაზე ბუნებრივი რესურსების საწყისი სააუქციონო ფასის განსაზღვრასთან და მის განახლებასთან დაკავშირებით არასამთავრობო ორგანიზაციის წარმომადგენლებმა და ექსპერტებმა ინიციატივები და მოსაზრებები განიხილეს, რაც ხელს შეუწყობს ბუნებრივი რესურსების ფასწარმოქმნის სწორად და ეფექტურად განსაზღვრას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან