აზერბაიჯანის პროკურატურამ საქართველოსა და საფრანგეთის მოქალაქეების წინააღმდეგ სისხლის სამართლის საქმე აღძრა, - ამის შესახებ ინფორმაციას „ტრენდი“ ავრცელებს.

მისი თქმით, გამოძიების დროს საფუძვლიანი ეჭვი გაჩნდა, რომ ეს პირები აზერბაიჯანის მოქალაქეების წინააღმდეგ ტერორისტულ ღონისძიებებში მონაწილეობენ, უკანონოდ შეძენილი ცეცხლსასროლი იარაღისა და საბრძოლო აღჭურვილობის გამოყენებით.

„პროკურატურა სომხეთის საოკუპაციო არსის გამოსავლენად და მისი სამხედრო მოსამსახურეების პროვოკაციული ფორმირებების პასუხისგებაში მიცემის მიზნით, ჩვენი არმიისა და მშვიდობიანი მოსახლეობის წინააღმდეგ ჩადენილი დანაშაულებებისთვის გარკვეულ ზომებს მიმართავს. გამოძიება ჩატარდა ადგილობრივ და უცხოურ მედიაში გავრცელებული მრავალი ინფორმაციის საფუძველზე, აზერბაიჯანის ტერიტორიაზე საფრანგეთის მოქალაქე არტურ ოვანისიანისა და საქართველოს მოქალაქის ვაჰან ჩახალიანის მიერ ჩადენილი დანაშაულების შესახებ.

გამოძიებით დადგინდა, რომ არტურ ოგანესიანსა და ვაჰან ჩახალიანს სომხეთსა და აზერბაიჯანის ოკუპირებულ ტერიტორიებზე მყოფ პირებთან კრიმინალური კავშირი ჰქონდათ. მათ აზერბაიჯანის სახელმწიფო საზღვრის შესახებ კანონი და მიგრაციის კოდექსის მოთხოვნები დაარღვიეს, უკანონოდ გადაკვეთეს აზერბაიჯანის სახელმწიფო საზღვარი შესაბამისი დოკუმენტაციის გარეშე და სახელმწიფო საზღვრის საკონტროლო-გამშვები პუნქტების გვერდის ავლით. გამოძიების დროს საფუძვლიანი ეჭვი გაჩნდა, რომ ეს პირები აზერბაიჯანის მოქალაქეების წინააღმდეგ ტერორისტულ ღონისძიებებში მონაწილეობენ, უკანონოდ შეძენილი ცეცხლსასროლი იარაღისა და საბრძოლო აღჭურვილობის გამოყენებით“, - ვკითხულობთ განცხადებაში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს