დღეიდან მესტიის ყველა ადმინისტრაციული ერთეული, დაბა მესტიისა და სოფელ ლენჯერის გარდა, იხსნება.

შესაბამისი გადაწყვეტილება პრემიერ-მინისტრის ხელმძღვანელობით მოქმედმა უწყებათაშორისმა საკოორდინაციო საბჭომ 19 აგვისტოს სხდომაზე მიიღო. 

უწყებათაშორისი საკოორდინაციო საბჭოს ოპერატიული შტაბის უფროსის, ალექსანდრე ხოჯევანიშვილის განმარტებით, აღნიშნულ ორ სოფელში გაგრძელდება ინტენსიური ტესტირება და ყველა შესაბამისი გადაწყვეტილება ვითარებიდან გამომდინარე იქნება მიღებული.

„როგორც მოგეხსენებათ, მესტიის მუნიციპალიტეტში 10 აგვისტოდან დაიწყო შეზღუდვები, ამ პერიოდიდან დღემდე, განხორციელდა ბევრი ეფექტური ღონისძიება, რომელიც ჩვენ დაგვეხმარა ეპიდემიის აღკვეთასა და შეჩერებაში.

21 აგვიტოდან გაიხსნება მუნიციპალიტეტის ყველა სოფელი, გარდა დაბა მესტიისა და სოფელ ლენჯერისა, აღნიშნულ ორ სოფელშიც გაგრძელდება ინტენსიური ტესტირება და არსებული ვითარებიდან გამომდინარე მიიღება შესაბამისი გადაწყვეტილება“, - განაცხადა ალექსანდრე ხოჯევანიშვილმა.

ავტორი: ექსპრესნიუსი,

სოციალური ქსელები

ვიქტორ ორბანმა უნგრეთში საპარლამენტო არჩევნებში დამარცხება აღიარა

ორბანის ოპოზიცია გამანადგურებელ გამარჯვებას აღწევს

უნგრეთში ხმებს ითვლიან, ლიდერობს ოპოზიციური Tisza

უნგრეთში ხმის მიცემა შეწყდა, ამომრჩეველთა აქტივობა 77.80% იყო, რაც აბსოლუტური რეკორდია ქვეყნის ისტორიაში