შუახევში, 2008 წლის აგვისტოს რუსეთ-საქართველოს ომში დაღუპულთა ხსოვნის პატივსაცემად შუახევის მერმა ფრიდონ ფუტკარაძემ, სამშობლოს თავისუფლებისა და დამოუკიდებლობისათვის დაღუპული გმირების მემორიალები ყვავილებით შეამკო, წუთიერი დუმილით პატივი მიაგო მათ ხსოვნას და კიდევ ერთხელ გაიხსენა საქართველოს ტერიტორიული მთლიანობისთვის დაღუპული გმირები.

,,12 წელი გავიდა ყველაზე ტრაგიკული მოვლენიდან საქართველოს უახლეს ისტორიაში. 2008 წლის აგვისტოს ომის დროს გმირულად დაიღუპნენ სამშობლოსათვის მებრძოლი ვაჟკაცები. მათ ხსოვნას მარადიულად შეინახავს საქართველოს ისტორია და თითოეული ქართველი. პატივს მივაგებ და ქედს ვიხრი მათი ხსოვნის წინაშე. მადლობა დაღუპული გმირების მშობლებს, ოჯახის წევრებს, რომლებმაც ჩვენი ქვეყნისთვის გმირი შვილები გაზარდეს“- განაცხადა ფრიდონ ფუტკარაძემ.

დღესვე, შუახევის მერი ფრიდონ ფუტკარაძე, საკრებულოს თავმჯდომარე გიორგი დავითაძე და სხვა ხელმძღვანელი პირები საქართველოში რუსული ინტერვენციის შედეგად დაღუპული იაგო მიქელაძისა და ამირან მამალაძის, აფხაზეთის ომში უგზო-უკვლოდ დაკარგული ფრიდონ მახარაძის ოჯახებს სტუმრობდნენ. ოჯახის წევრებს, კიდევ ერთხელ თანადგომა გამოუცხადეს, გმირების საფლავებს პატივი მიაგეს და აღნიშნეს, რომ მათი თავდადება სამაგალითოა.

ღონისძიებაში ვეტერანების საქმეთა სახელმწიფო სამსახურის აჭარის ა/რ სამმართველოს უფროსი შოთა ყიფიანი, თვითმმართველობისა და საზოგადოების წარმომადგენლები მონაწილეობდნენ.

რუსეთ-საქართველოს ომის მე-12 წლისთავთან დაკავშირებით, სახელმწიფო დროშები მთელი ქვეყნის მასშტაბით დაეშვა.

ავტორი: NS (სტატია დაფინანსებულია),

სოციალური ქსელები

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.

ბრიუსელი ხარობს: უნგრეთი ორბანის დამარცხების შემდეგ ევროპის გულში ბრუნდება

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს