საქართველოს თავდაცვის მინისტრის თინა ხიდაშელის განცხადებით, ბიძინა ივანიშვილის მიმართ საზოგადოების მხრიდან ნდობის გამოხატვა და პატივისცემა ნორმალურია და ეს რაიმე ტიპის ტრაგედიად არ უნდა აღიქმებოდეს.

ამ განცხადებით ხიდაშელი საქართველოში არაფორმალურ მმართველობასთან დაკავშირებით ოპოზიციის კრიტიკას გამოეხმაურა.

ხიდაშელის შეფასებით, პრობლემა იმ შემთხვევაში იქნებოდა, თუკი ბიძინა ივანიშვილი გადაწყვეტილებების მიღებაში მიიღებდა მონაწილეობას.

მინისტრის მტკიცებით, საქართველოში დღეს გადაწყვეტილებებს არაფორმალურად არ იღებენ.

„ადამიანების მნიშვნელოვან ნაწილს ჩვენს ქვეყანაში აქვს პატივისცემა კონკრეტული პოლიტიკური ლიდერის მიმართ. ეს უნდა მივიღოთ რაღაცა ტიპის ტრაგედიად? ეს არ არის ტრაგედია, ეს არის ჩვეულებრივი ამბავი. დედამიწის ზურგზე ყველა ქვეყანაში ხდება ასეთი ამბები, როცა ხალხი პატივს ცემს მოქმედ პოლიტიკოსებს, ან ყოფილ პოლიტიკოსებს, ახალგაზრდა პოლიტიკოსებს, ასეთებს, ისეთებს. ივანიშვილის მიმართ ეს საზოგადოებრივი პატივისცემა აბოლუტურად ნორმალურია, ამაში გასაკვირი არაფერია. ტრაგედია იქნებოდა, ის რომ იყოს გადაწყვეტილებების მიღების პროცედურების თანამონაწილე. მე სულ მაქვს ხოლმე ეს მოთხოვნილება, რომ როდესაც ამაზე ჩემი ყოფილი კოლეგები კოალიციიდან საუბრობენ, რატომ არ გიჩნდებათ კითხვა, მათ ჰკითხოთ, რომ როცა ისინი ჯერ კიდევ მინისტრები იყვნენ და ბიძინა ივანიშვილი აღარ იყო პრემიერ-მინისტრი, ასრულბდნენ თუ არა დავალებებს, რომელსაც იღებდნენ ბიძინა ივანიშვილისგან. თუ პასუხი ამაზე არის -არა, მაშინ საერთოდ არ მესმის რაზე ლაპარაკობთ. პრობლემა არ არის არავის გავლენაში, საზოგადოების მხრიდან გამოხატულ ნდობაში, პრობლემა ჩნდება, როდესაც გადაწყვეტილებების მიღება ხდება არაფორმალურად. ასეთი რამ დღევანდელ საქართველოში არ ხდება. არ მიმაჩნია პრობლემად, რენდი შეუნემანის მიერ, ანუ მიხეილ სააკაშვილის ოფიციალური ლობისტის 9 წლის განმავლობაში, საქართველოს სახელმწიფო ბიუჯეტის დაფინანსებული ლობისტის განცხადება იმის შესახებ, რომ თურმე გიგი უგულავა პოლიტიკური პატიმარია. მას ამის თქმაში ფულს უხდიდნენ და ამიტომ არ მიმაჩნია სერიოზულ პრობლემად“, - განაცხადა თინა ხიდაშელმა.

თავდაცვის მინისტრს ასევე კითხვა დაუსვეს საპარლამენტო უმრავლესობის თამაზ მეჭიაურის განცხადებასთან დაკავშირებით, სადაც ის უკვე ღიად უპირისპირდება რესპუბლიკელებს, თუმცა მინისტრმა ამ თემაზე კომენტარის გაკეთება არ ისურვა.

„ამ თემაზე არ ვაკეთებ კომენტარს, რადგან არის საკითხები, რომლებიც მიმაჩნია, რომ კომენტარს არ იმსახურებს“, - აღნიშნა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს