2020-07-31 12:36:17, 3276 ნახვა

---

მაია ცქიტიშვილის განცხადებით, რაჭაში, სტიქიის ზონაში წყლის დაგუბებები არსად შეინიშნება და მეწყრული პროცესები გამორიცხულია

რეგიონული განვითარებისა და ინფრასტრუქტურის მინისტრის, მაია ცქიტიშვილის განცხადებით, რაჭაში, სტიქიის ზონაში, გეოლოგებმა ტერიტორიის დათვალიერების შემდეგ, დამამშვიდებელი ინფორმაცია მიაწოდეს.

მინისტრის თქმით, სტიქიის ზონაში წყლის დაგუბებები არსად შენიშნება, რის გამოც შემდგომში მეწყრული პროცესები და წყალმოვარდნები გამორიცხულია.

„დილიდან სამუშაოები აქტიურ რეჟიმში მიმდინარეობს. გეოლოგიურმა სამსახურმა რამდენიმე შემოფრენა განახორციელა ვერტმფრენით. მათ დაათვალიერეს სტიქიის ზონა, რათა გამოგვერიცხა შემდგომი შესაძლო საფრთხეები. მათ საკმაოდ დამამშვიდებელი ინფორმაცია მოგვაწოდეს იმასთან დაკავშირებით, რომ არსად არ არის წყლის დაგუბებები, ეს ნიშნავს, რომ შემდგომი მეწყრული პროცესები და წყალმოვარდნები ამ ეტაპზე გამორიცხულია“, - განაცხადა მაია ცქიტიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი