ხატია დეკანოიძე - თუ ქვეყანაში ივანიშვილის ოლიგარქიული რეჟიმი დარჩება, დიდი საფრთხეა ქვეყანა რუსულ ორბიტაზე დაბრუნდეს

2020-07-30 13:21:46, 3503 ნახვა

კომენტარი

თუ ივანიშვილის ხელისუფლება და ოლიგარქიული რეჟიმი დარჩება საქართველოში, დიდი საფრთხეა, ქვეყანა რუსულ ორბიტაზე დაბრუნდეს, - ამის შესახებ „ნაციონალური მოძრაობის“ წევრმა ხატია დეკანოიძემ განაცხადა.

მან განმარტება გააკეთა კონგრესმენების წერილთან დაკავშირებითაც და აღნიშნა, რომ მსგავსი ტიპის წერილი ჩვენი სტრატეგიული პარტნიორის მხრიდან უკანასკნელი არ იქნება.

„არაუგვიანეს 180 დღეში უნდა მომზადდეს სპეციალური ანგარიში სახელმწიფო დეპარტამენტის მიერ, რომელიც ხაზს უსვამს საქართველოში კანონის უზენაესობის, მართლმსაჯულების, კორუფციის შეფასებას, მათ შორის აშშ-ს ეკონომიკური ინტერესების დაცვას ქვეყანაში. ამ ანგარიშის წინმსწრები იყო მაიკ პომპეოს განცხადება და კონგრესმენები ამ ანგარიშის წინმსწრებად აგზავნიან კვლავ ასეთ შემაშფოთებელ წერილს ჩვენი ქვეყნისთვის. მსგავსი წერილები არ იქნება უკანასკნელი ჩვენი სტრატეგიული პარტნიორისგან. თუ ბიძინა ივანიშვილის ხელისუფლება და ოლიგარქიული რეჟიმი დარჩება საქართველოში, დიდი საფრთხეა, ქვეყანა რუსულ ორბიტაზე დაბრუნდეს“, - განაცხადა დეკანოიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან