„ერთიანი ნაციონალური მოძრაობის“  წევრის გიორგი კანდელაკის განცხადებით, პრემიერ–მინისტრი ირაკლი ღარიბაშვილი 2015 წლის თბილისის საერთაშორისო კონფერენციის „ევროპის ახალი გეოპოლიტიკური ლანდშაფტი: უსაფრთხოება, ეკონომიკური შესაძლებლობები, თავისუფლება და ადამიანური ღირსება ფრონტისპირა ქვეყნებში“ ფარგლებში დაგეგმილ დისკუსიას გაექცა.

მისივე თქმით, დისკუსია დღის წესრიგით გათვალისწინებული იყო და დამსწრე საზოგადოებას აინტერესებდა, თუ რატომ იქცევა საქართველოს მთავრობა ქვეყნის ინტერესების საწინააღმდეგოდ.

„სამწუხაროა, რომ პრემიერ–მინისტრი დისკუსიას გაექცა. დისკუსია იყო დღის წესრიგით გათვალისწინებული, მაგრამ პრემიერმა გადაწყვეტილება მიიღო, რომ მასში მონაწილეობა არ მიეღო, რადგან დამსწრე საზოგადოებას ნამდვილად აინტერესებდა ევროპის უსაფრთხოების კონტექსტში ყველაზე მნიშვნელოვანი, აქტუალური– უკრაინის კონტექსტში რატომ იქცევა საქართველოს მთავრობა საქართველოს ინტერესების საწინააღმდეგოდ. რატომ, არა თუ არ უერთდება, წინააღმდეგ გამოდის იმ სანქციებისა, რომელიც დაწესებული აქვს ცივილიზებულ სამყაროს, რომელიც ამავე დროს, წარმოადგენს ჩვენი პრობლემების აქტუალიზაციის შესაძლებლობას და რატომ იქცევა საქართველოს მთავრობა ყველაზე მნიშვნელოვანი საკითხის კონტექსტში ისე, როგორც რუსეთის სატელიტი“, – აღნიშნა კანდელაკმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს