„ჩვენ არ უნდა გავიმეოროთ წარსულის შეცდომები და ორმაგად ვიმუშაოთ იმისთვის, რომ გვქონდეს უფრო უსაფრთხო და თავისუფალი მომავალი“, – ამის შესახებ პრემიერ–მინისტრმა ირაკლი ღარიბაშვილმა კონფერენციაზე „ევროპის ახალი გეოპოლიტიკური ლანდშაფტი“ განაცხადა.

მისივე თქმით, მოქმედმა ხელისუფლებამ მეზობლებთან ხანგრძლივი მშვიდობა უნდა უზრუნველყოს, განსაკუთრებით რუსეთთან.

„გასულ წელს მე ხელი მოვაწერე ასოცირების შეთანხმებას ევროკავშირთან, რომელიც მთავარ გეგმას წარმოადგენს საქართველოს მოდერნიზებისთვის. საქართველოს დემოკრატიის მთავარ კომპონენტს ევროპული და ევროატლანტიკური ინტეგრაცია წარმოადგენს. ჩვენი მცდელობა ევროკავშირთან და შეერთებულ შტატებთან დაახლოების პროცესში დემოკრატიული ტრანსფორმაციის გზაა. ჩვენი მთავრობის ხელისუფლებაში მოსვლის შემდეგ შეიქმნა უფრო ღია სისტემა, რომელიც ანგარიშვალდებულია ხალხთან. ჩვენ უნდა უზრუნველვყოთ ხანგრძლივი მშვიდობა მეზობლებთან, რომელიც პრაქტიკულ ურთიერთობებზე იქნება დამყარებული, განსაკუთრებით რუსეთთან. მიუხედევად იმისა, თუ რომელი პოლიტიკური პარტიაა ხელისუფლებაში, საქართველო შეერთებული შტატების და ევროპის პარტნიორად რჩება”, – აღნიშნა ღარიბაშვილმა.

ცნობისთვის, სასტუმრო „რუუმს ჰოტელში“ მაკკეინის ინსტიტუტი საერთაშორისო ლიდერობისთვის და ეკონომიკური პოლიტიკის კვლევის ცენტრი,  თბილისის საერთაშორისო კონფერენციას „ევროპის ახალი გეოპოლიტიკური ლანდშაფტი: უსაფრთხოება, ეკონომიკური შესაძლებლობები, თავისუფლება და ადამიანური ღირსება ფრონტისპირა ქვეყნებში“ მასპინძლობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს