გაფართოებისა და ევროპული სამეზობლო პოლიტიკის საკითხებში ყოფილი ევროკომისარი შტეფან ფულე იმედოვნებს, რომ მიგრაციის კრიზისი ევროკავშირში საქართველოსთვის ვიზალიბერალიზაციის მინიჭებაზე არ იმოქმედებს.

ამის შესახებ ფულემ ჟურნალისტებს „თბილისი რუმსში“ განუცხადა, სადაც კონფერენცია "ევროპის ახალი გეოპოლიტიკური ლანდშაფტი.უსაფრთხოება, ეკონომიკური შესაძლებლობები, თავისუფლება და ადამიანური ღირსება ფრონტისპირა ქვეყნებში" მიმდინარეობს.

„საქართველოსთვის სავიზო რეჟიმის გამარტივების პროცესს მიგრანტების ამჟამინდელი კრიზისი არ გაართულებს. ვთვლი, რომ პროცესი ჩვენი მხრიდან არ უნდა შეფერხდეს იმის ხარჯზე, რომ ჰუმანიტარული კრიზისის გამკლავებას ვცდილობთ. დიდი იმედი მაქვს, ეს გავლენას არ იქონიებს იმ არაჩვეულებრივ სამუშაოზე, რაც საქართველომ გასწია და საქართველოს მოქალაქეები შენგენის ზონაში უვიზოდ იმოგზაურებენ“, - განაცახდა შტეფან ფულემ. 

კონფერენციას “ევროპის ახალი გეოპოლიტიკური ლანდშაფტი” საქართველოს პრეზიდენტი და პრემიერ-მინისტრიც ესწრებიან. მონაწილეთა შორის არიან ასევე ქართველი, ამერიკელი და ევროპელი პოლიტიკური ლიდერები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა