ავღანეთში „მტკიცე მხარდამჭერის“ მისიის ფარგლებში საქართველოს შეიარაღებული ძალების IV მექანიზირებული ბრიგადის 43-ე ბატალიონის სამხედროებმა ჰუმანიტარული ოპერაცია ჩაატარეს.

თავდაცვის სამინისტროს ინფორმაციით, „ალფა“ ასეულის V ოცეულმა ფარვანის პროვინციაში, სოფელ ჯარჩიში სკოლის მოსწავლეებს „ბასტი-ბუბუს“ საბავშო ბაღის აღსაზრდელების მიერ გაგზავნილი სასკოლო ნივთები და სხვადასხვა სახის საჩუქრები გადასცეს. ქართული ოცეული ადგილობრივ მოსახლეობასაც შეხვდა და რეგიონში არსებული უსაფრთხოების მდგომარეობაზე ესაუბრა.

ჰუმანიტარული ოპერაცია ექვს საათს გაგრძელდა. სამშვიდობო ოპერაციაში ოცდასამმა ქართველმა და ხუთმა ამერიკელმა სამხედრომ მიიღო მონაწილეობა. ოპერაციაში ხუთი ჯავშანმანქანა „მაქსპრო“ იყო ჩართული. ჰაერიდან ოპერაციის უსაფრთხოებას „აპაჩის“ ტიპის საბრძოლო ვერტმფრენი უზრუნველყოფდა.

საქართველოს შეიარაღებული ძალების IV მექანიზირებული ბრიგადის 43-ე ბატალიონი "მტკიცე მხარდაჭერის" მისიაში კოალიციურ ძალებთან ერთად, სრული სპექტრის ოპერაციებს ახორციელებს. ქართული ბატალიონი ფარვანის პროვინციაში მდებარე ბაგრამის საავიაციო ბაზის უსაფრთხოებას უზრუნველყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება