საქართველოს პრემიერ-მინისტრ ირაკლი ღარიბაშვილის განცხადებით ამბასადორიალი ძალიან სასარგებლო და ნაყოფიერი იყო.

"ძალიან წარმატებული ამბასადორიალი ჩავატარეთ უკვე ახალ მინისტრთან ერთად. მიხარია, რომ სასიამოვნო ტრადიცია დამკვიდრდა ყოველწლიური შეხვედრის. მინდა, გისურვოთ წარმატება ჩვენი ქვეყნის საკეთილდღეოდ,"-აღნიშნა პრემიერმა.

 საქართველოს პრემიერ-მინისტრმა ამბასადორიალის დასასრულს საქართველოს ელჩებს უმასპინძლა.  სამუშაო ვახშამს ირაკლი ღარიბაშვილი მეუღლესთან ერთად დაესწრო.

 მთავრობის მეთაურმა ამბასადორიალის მონაწილეებს ყოველწლიური შეხვედრის წარმატებით დასრულება მიულოცა.

მანვე ქართველ დიპლომატებს "საქართველოს სოლიდარობის ფონდის" საქმიანობის შესახებ ინფორმაცია მიაწოდა.

"სოლიდარობის ფონდი დააარსდა ერთი წლის წინ და უკვე მობილიზებულია 3 მილიონ 700 ათასი ლარი, რომელიც მოხმარდა 143 ბავშვის მკურნალობას.

ეს ნამდვილად კეთილი საქმეა, რომლის განხორციელებაც ჩვენ ერთობლივად შევძელით,"- განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა