2020-07-23 17:28:39, 3357 ნახვა
სამართალი
მამუკა ჭელიძე - დეტალების გამხელა, რაზეც თამარ ბაჩალეიშვილის ფსიქოლოგმა ისაუბრა, არ იქება სწორი, რადგან ოჯახი მძიმე მდგომარეობაშია
კრიმინალური პოლიციის დეპარტამენტის დირექტორი მამუკა ჭელიძე ადასტურებს, რომ 23 წლის გარდაცვლილს, თამარ ბაჩალეიშვილს ჰყავდა ფსიქოლოგი.
მისივე თქმით, ის გამოძიებამ დაკითხა, თუმცა დეტალების გამხელა, რაზეც ფსიქოლოგმა ისაუბრა, არ იქნება სწორი, რადგან ოჯახი მძიმე მდგომარეობაშია.
„თამარ ბაჩალიაშვილს ფსიქოლოგი ჰყავდა, რომელიც გამოძიების მიერ დაკითხულია. რა თქმა უნდა დეტალებზე, თუ რაზე ისაუბრა ფსიქოლოგმა, ამაზე საუბარი სწორი არ იქნება, რადგან დღეს ოჯახი ძალიან მძიმე მორალურ მდგომარეობაშია, არ დავუმძიმოთ მათ ეს მდგომარეობა“,- აღნიშნა მამუკა ჭელიძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
