საქართველოს თავდაცვის მინისტრი თინათინ ხიდაშელი საქართველოში აზერბაიჯანის რესპუბლიკის საგანგებო და სრულუფლებიან ელჩს, აზერ თოფიგ ოღლუ ჰუსეინს შეხვდა. შეხვედრას  საქართველოში აზერბაიჯანის რესპუბლიკის სამხედრო ატაშე, პოლკოვნიკი ხაზარ აბასოვი დაესწრო. თავდაცვის სამინისტროს ინფორმაციით, მხარეებმა ორი ქვეყნის თავდაცვის უწყებებს შორის არსებული და სამომავლო თანამშრომლობის პერსპექტივები განიხილეს. საუბარი ასევე შეეხო განათლების მიმართულებით აქტიურ თანამშრომლობას და სხვადასხვა სფეროებში გამოცდილების გაზიარებას. შეხვედრაზე განიხილეს  საქართველო-თურქეთი-აზერბაიჯანის თანამშრომლობის პერსპექტივებიც. მხარეებმა იმედი გამოთქვეს, რომ სამმხრივ ფორმატში თანამშრომლობა ინტენსიური და ყველა მხარისთვის ნაყოფიერი იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა