თუნდაც ის, რომ თქვენ გაქვთ შესაძლებლობა ნებისმიერი კითხვა დაგვისვათ მთავრობის წევრებს და ამ სამი წლის განმავლობაში ადგილი არ ჰქონია მედიაზე ზეწოლის არცერთ ფაქტს, ამას სჭირდება აღიარება, - ამის შესახებ პრემიერ-მინისტრმა ირაკლი ღარიბაშვილმა ჟურნალისტებთან თემის კომენტირებისას განაცხადა.

მისივე თქმით, დღეს მედია თავისუფალია სახელისუფლებო ზეწოლისგან. რაც შეეხება ტელევიზიებში გადაცემების დახურვის ფაქტს, მთავრობის მეთაურმა ტელეკომპანიების ხელმძღვანელების მხრიდან გადაწყვეტილებების უკეთ დასაბუთება ისურვა. 

"მესამე წელია ჩვენმა მთავრობამ დაამტკიცა, რომ მედიის თავისუფლების კუთხით საქართველო პირველ ადგილზეა და რაც უნდა ილაპარაკონ ამ თემაზე ოპონენტებმა, ეს არის მხოლოდ საუბარი, შედეგი კი არის თავისუფალი მედია. თუნდაც ის, რომ თქვენ გაქვთ შესაძლებლობა ნებისმიერი კითხვა დაგვისვათ მთავრობის წევრებს და ამ სამი წლის განმავლობაში ადგილი არ ჰქონია მედიაზე ზეწოლის არცერთ ფაქტს, ეს არის რეალობა. ამას სჭირდება აღიარება. რაც შეეხება ტელევიზიის ხელმძღვანელთა გადაწყვეტილებებს გადაცემებთან დაკავშირებით, საჭიროა მეტი სიცხადე, დასაბუთება და ეს ალბათ უნდა მოკითხოთ შესაბამისი ტელევიზიების ხელმძღვანელებს", - აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს