დაავადებათა კონტროლის ეროვნული ცენტრის დირექტორის, პაატა იმნაძის განცხადებით, თუ მოსახლეობა ნიღაბს კვლავ ატარებს და სოციალურ დისტანციას დაიცავს, ქვეყანაში არაფერი არ დაიკეტება.

როგორც მან აღნიშნა, გარდაბნის მოსახლეობა გამოკვლევებზე მიდის და ეპიდემიოლოგებთან კარგად თანამშრომლობენ.

„ჯერჯერობით, ძალიან კარგად თანამშრომლობს მოსახლეობა. იცით, რომ ჩვენი ჯგუფები იქ მუშაობენ და კარგია მოსახლეობის გამოძახილი - მოდიან ადამიანები, იკვლევენ. თუ არავითარი პრობლემა არ იქნება მოსახლეობის მასობრივ კვლევებთან დაკავშირებით, არ გახდება საჭირო არავითარი რეჟიმის გამკაცრება. კიდევ ერთხელ ვიმეორებ, მთავარია, ყველა ადამიანმა უმარტივესი წესები დაიცვას, რაც დარჩა. მოგეხსენებათ, რომ პრაქტიკულად ძალიან ცოტა დარჩა ისეთი გაუხსნელი ბიზნესები ქვეყანაში, აგერ ქორწილებიც არის უკვე დაშვებული, მაგრამ ჩვენ თუ არ დავიცავთ წესებს, კორონა არ გაჩერდება.

შანსი არის ერთი, ყველას უნდა გვეკეთოს ნიღაბი, დავიცვათ სოციალური დისტანცია, მაშინ არაფერი არ დაიკეტება“, - განაცხადა პაატა იმნაძემ.

ავტორი: ექსპრესნიუსი,

სოციალური ქსელები

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა

პროკურატურა 4 ოქტომბრის საქმეზე გიორგი კირვალიძის საპროცესო შეთანხმების გაუქმებას ითხოვს

საქართველოს კინოცენტრი: ლოკარნოს კინოფესტივალზე ფილმი „ცრემლსადენი გაზი“ არ დაგვიბლოკავს

ახალი სასკოლო ფორმების გაყიდვა საქართველოში 1 სექტემბერს დაიწყება