„ჩვენ, პასუხისმგებლიანი პოლიტიკით, პასუხისმგებლიანი გუნდით, მოვიგებთ ამ არჩევნებს" - ამის შესახებ ვიცეპრემიერმა, იუსტიციის მინისტრმა თეა წულუკიანმა  „ქართული ოცნების" მაჟორიტარი დეპუტატობის კანდიდატების წარდგენის ღონისძიებაზე განაცხადა.

„დღეს, „ქართული ოცნება" ხსნის წინასაარჩევნო კამპანიას და ამ კამპანიაში ყველა - ქართული ოცნების წევრი და მხარდამჭერი,  განურჩევლად ასაკისა, განურჩევლად თანამდებობისა, ვიქნებით ბოლომდე ჩართული იმისთვის, რომ ჩვენ ხელისუფლებაში შევძლოთ იმ ხაზის გაგრძელება, რაც დავიწყეთ რამდენიმე წლის წინ. ეს არის კვლავაც ერთად ბრძოლა და შრომა საქართველოს წარმატებისთვის, განვითარებისთვის, ეკონომიკური კეთილდღეობისთვის და რაც მთავარია - მშვიდობისა და სტაბილურობისთვის, რადგან დემოკრატიის მშენებლობა, ეკონომიკურ აღმასვლაზე მუშაობა, რა თქმა უნდა, ჩვენ გვიწევს ოკუპაციის პირობებში, იმ გეოპოლიტიკურ გარემოში რომელშიც საუკუნეების განმავლობაში ცხოვრობდა და ცხოვრობს საქართველო. ამიტომაც, ჩვენ, პასუხისმგებლიანი პოლიტიკით, პასუხისმგებლიანი გუნდით მოვიგებთ ამ არჩევნებს და გავაგრძელებთ შრომას იმისთვის, რომ მომავალი 4 წლის შემდეგ საქართველო იყოს კიდევ უფრო ძლიერი, მშვიდობიანი და გამთლიანებული"- განაცხადა თეა წულუკიანმა.

ავტორი: NS (სტატია დაფინანსებულია),

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა