პარლამენტის საფინანსო საბიუჯეტო კომიტეტის თავჯდომარესთვის, თამაზ მეჭიაურისთვის გაუგებარია, პრეზიდენტი გიორგი მარგველაშვილი „საქართველოს ეროვნული ბანკის“ შესახებ კანონში ცვლილების შეტანას რატომ არ ეთანხმებოდა.

„ვერ გავიგე პრეზიდენტი რატომ არ გვეთანხმებოდა. ჩვენ რაც შეგვეძლო, არგუმენტებით დავასაბუთეთ, რატომ უნდა მიგვეღო ეს კანონი და მივიღეთ კიდევაც. ეს მას უნდა დაესაბუთებინა, რატომ იყო მისთვის მიუღებელი პრინციპული ცვლილებები, რომელიც ჩვენ შევიტანეთ. მას უბრალოდ არ აწყობს არსებული სიტუაცია“, – აღნიშნა მეჭიაურმა.

ცნობისთვის, თამაზ მეჭიაურისა და ნოდარ ებანოიძის კანონპროექტს, რომელიც პარლამენტმა დაამტკიცა, პრეზიდენტმა ვეტო დაადო. დღეს კი, პარლამენტმა პრეზიდენტის ვეტო დაძლია.

 ებანოიძისა და მეჭიაურის მიერ მომზადებული ცვლილებები ეროვნული ბანკის შემადგენლობიდან საბანკო სფეროს ზედამხედველობის სამსახურის გამოყოფას ითვალისწინებს.

კერძოდ, იქმნება საქართველოს საფინანსო ზედამხედველობის სააგენტო, ეროვნული ბანკის ფარგლებში მოქმედი საფინანსო სექტორის ზედამხედველობის კომიტეტი კი უქმდება. განხილვის პროცესში პროექტით გათვალისწინებული რამდენიმე საკითხი შეიცვალა. მათ შორის ცვლილებები შეეხო სააგენტოს საბჭოს დაკომპლექტებისა და მისი ხელმძღვანელის არჩევის წესებს. ცვლილებების ინიციატორები საპარლამენტო უმრავლესობის წევრები თამაზ მეჭიაური და ნოდარ ებანოიძე არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს