2015-09-03 14:28:03, 455 ნახვა

---

სემეკის სხდომაზე სოსო შატბერაშვილმა და თელასის წარმომადგენელმა ერთმანეთს სიტყვიერი შეურაცხყოფა მიაყენეს

ენერგეტიკისა და წყალმომარაგების  მარეგულირებელი ეროვნული კომისიის სხდომაზე, სადაც „თელასის“ ტარიფებს განიხილავენ დაპირისპირება მოხდა.

სხდომაზე მემარცხენე ალიანსის წევრმა სოსო შატბერაშვილმა და „თელასის“ წარმომადგენელმა ერთმანეთს სიტყვიერი შეურაცხყოფა მიაყენეს.

დაპირისპირების შედეგად, დაცვის თანამშრომლებმა ორივე მათგანი დარბაზიდან გაიყვანეს.

ცნობისთვის, საქართველოს ენერგეტიკისა და წყალმომარაგების მარეგულირებელი ეროვნული კომისია  „თელასის“ ტარიფთან დაკავშირებით საჯარო სხდომას მართავს.

სემეკმა სს "თელასისთვის" ელექტროენერგიის განაწილების, გატარების და მოხმარების ტარიფები უნდა დაადგინოს.

 ,,ელექტროენერგიის ტარიფების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 4 დეკემბრის №33 დადგენილებაში ცვლილების შეტანის თაობაზე“ დადგენილების პროექტს ტარიფებისა და ეკონომიკური ანალიზის დეპარტამენტის დირექტორი წარადგენს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი