თბილისის საქალაქო სასამართლოდან ქურდობაში ბრალდებული პატიმრის გაქცევის ფაქტზე, პროკურატურამ გამოძიება დაიწყო

2020-07-15 10:23:50, 3246 ნახვა

სამართალი

თბილისის საქალაქო სასამართლოდან გაქცეულ პატიმართან დაკავშირებით პროკურატურამ გამოძიება დაიწყო.

ამის შესახებ ინფორმაცია „ექსპრესნიუსს“ საქართველოს გენერალურ პროკურატურაში დაუდასტურეს.

„საქმეზე გამოძიება ორი მიმართულებითაა დაწყებული. პირველი - სისხლის სამართლის კოდექსის 342-ე მუხლის პირველი ნაწილით გათვალისწინებული დანაშაულისთვის, რაც სამსახურებრივი გულგრილობის ჩადენის ფაქტს გულისხმობს და მეორე - სისხლის სამართლის კოდექსის 379-ე მუხლის პირველი ნაწილით გათვალისწინებული დანაშაულისთვის, რაც ბრალდებულის/მსჯავრდებულის გაქცევას გულისხმობს და ისჯება თავისუფლების აღკვეთით ვადით 3-დან 6 წლამდე“, - აცხადებენ პროკურატურაში.

ცნობისთვის, პოლიციელებს ერთ-ერთი პატიმარი თბილისის საქალაქო სასამართლოს მიმდებარე ტერიტორიიდან გუშინ გაექცათ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,