სააკაშვილის დროს, თავდაცვის სამინისტროში დაკარგულია დაახლოებით მილიარდნახევარი ლარი და კეზერაშვილის დროს რამდენიმე ასეული მილიონი დოლარია გაფლანგული, - ამის შესახებ თავდაცვისა და უშიშროების კომიტეტის თავმჯდომარემ, ირაკლი სესიაშვილმა მედიის წარმომადგენლებთან განაცხადა.

როგორც მან აღნიშნა, მათი ოპონენტები ძალიან შეეჩვივნენ უსაფუძვლოდ საქართველოს ხელისუფლების მიმართ ბრალდებების წარდგენას კორუფციაში.

„ჩვენი ოპონენტები ძალიან შეეჩვივნენ უსაფუძვლოდ საქართველოს ხელისუფლების მიმართ ბრალდებების წარდგენას კორუფციაში თუ კრიმინალთან ურთიერთობაში, მაგრამ ჩვენ ყოველთვის ვსაუბრობთ ფაქტებით. მე არა ერთხელ მითქვამს, და დღესაც გავიმეორებ, რომ ფაქტი არის  და ეს დადასტურებულია შესაბამისი კომპეტენტური სამსახურების მიერ, რომ თავდაცვის სამინისტროში, წლების განმავლობაში, სააკაშვილის მმართველობის დროს, ადგილი ჰქონდა ძალიან მაღალ კორუფციას. დაკარგული არის დაახლოებით მილიარდნახევარი ლარი და სწორედ, კეზერაშვილის დროს რამდენიმე ასეული მილიონი დოლარი არის გაფლანგული, რაზეც უწყებები მუშაობენ“, - განაცხადა ირაკლი სესიაშვილმა.

მისი თქმით, ისრაელის მიერ წამოწყებული საქმე, არის კიდევ ერთი დამადასტურებელი ფაქტი იმისა, რომ ფული რომლის გათეთრებაზე სავარაუდოდ, არის საუბარი, უკავშირდება კეზერაშვილის ცნობილ მეთოდებს.

„ისრაელის მიერ წამოწყებული საქმე, რომელიც ჯერ არ მისულა საბოლოო გადაწყვეტილებამდე,  ჩემთვის არის კიდევ ერთი დამადასტურებელი ფაქტი და ინფორმაცია, რომ ფული რომლის გათეთრებაზე სავარაუდოდ, არის საუბარი, სწორედ უკავშირდება ასე ვთქვათ  კეზერაშვილის ცნობილ მეთოდებს - როგორ გაეტანა საქართველოდან ის ფული, რომელიც ეკუთნოდა ჩვენს ჯარისკაცებს, ჩვენს ოფიცრებს და ჩვენი ქვეყნის თავდაცვისუნარიანობას უნდა მოხმარებოდა“, -  განაცხადა ირაკლი სესიაშვილმა.

მისივე თქმით, საქართველო ისრაელის სახელმწიფოსთან ყოველთვის  აქტიურად თანამშრომლობს და ეს თანამშრომლობა გაგრძელდება კიდეც თუ ისრაელის შესაბამისი სამართალდამცავი ორგანოები ქართული მხარის ჩართვას ისურვებენ.​

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს