2020-07-02 13:21:30, 5590 ნახვა

---

გიგი უგულავა: ივანიშვილზე ჯვარია დასმული - ის ჩვენი მოკავშირეების პარტნიორად აღარ განიხილება

„ევროპული საქართველოს“ წევრი გიგი უგულავა გამოეხმაურა რესპუბლიკერი კონგრესმენის მარკუინ მალენის განცხადებას.

მან აღნიშნა, რომ ივანიშვილი ქვეყნის მოკავშირეების პარტნიორად აღარ განიხილება, შესაბამისად, „ჯვარია მასზე დასმული“.

„სხვა თუ არა ამერიკის შეერთებულმა შტატებმა სხვა ვინ უნდა იბრძოლოს და დაუდგეს ქართულ საზოგადოებას თავისუფლებისა და დემორატიისთვის ბრძოლაში. ივანიშვილის მიმართ თავისუფალი სამყაროს დამოკიდებულება არის სკეპტიკური და ის აღარ განიხილება, როგორც ჩვენი მოკავშირეების პარტნიორი. შესაბამისად, მარტივად შეგვიძლია ვთქვათ, რომ ჯვარია მასზე დასმული“, - განაცხადა გიგი უგულავამ.

ცნობისთვის, რესპუბლიკელმა კონგრესმენმა მარკუინ მალინმა გამოაქვეყნა პუბლიკაცია, სადაც ვკითხულობთ, რომ „პუტინის მოკავშირე, ბიძინა ივანიშვილი, ლეგალურად მოქმედი აშშ-ს ბიზნესის განდევნისთვის ენერგიულად მუშაობს“.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი