შრომის, ჯანმრთელობისა და სოციალური დაცვის მინისტრის დავით სერგეენკოს განცხადებით, ნატო-საქართველოს ერთობლივი წვრთნისა და შეფასების ცენტრის გახსნა არცერთი მეზობელი ქვეყნისთვის საფრთხის გაზრდას არ უკავშირდება. 
„საქართველოს პრემიერ-მინისტრმა ძალიან ნათლად და ცალსახად  განაცხადა, რომ ეს აქტივობა,  ნატო-ს სასწავლო ცენტრის გახსნა არანაირად არ უკავშირდება საფრთხეების გაზრდას არცერთი ჩვენი მეზობელი ქვეყნისათვის. შესაბამისად, მეც ვუერთდები და ვიზიარებ  ამ პოზიციას“,-განაცხადა დავით სერგეენკომ. 
ცნობისთვის,  კრწანისის ტერიტორიაზე ნატო-საქართველოს ერთობლივი წვრთნისა და შეფასების ცენტრი გაიხსნა. 
ცენტრი  ნატო-ს გენერალურმა მდივანმა იენს სტოლტენბერგმა და საქართველოს პრეზიდენტმდა გიორგი მარგველაშვილმა და პრემიერ-მინისტრმა ირაკლი ღარიბაშვილმა გახსნეს. ამასთან, იენს სტოლტენბერგი ღონისძიების ფარგლებში,    საქართველოს შეიარაღებული ძალების იმ ასეულს შეხვდა, რომელიც ნატო-ს სწრაფი რეაგირების ძალებისთვის გადამზადდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება