სასწავლო ცენტრ „კრწანისის“ ტერიტორიაზე ნატო-საქართველოს ერთობლივი წვრთნისა და შეფასების ცენტრის გახსნის ცერემონიალზე სიტყვით გამოსვლისას საქართველოს თავდაცის მინისტრმა თინა ხიდაშელმა საქართველოს ევროპული არჩევანის ურყევობასა და უსაფრთხოების კუთხით, ჩრდილოატლანტიკური ალიანსის მნიშვნელობაზე გაამახვილა ყურადღება.
როგორც ხიდაშელმა აღნიშნა, ნატო დღევანდელ მსოფლიოში უსაფრთხოების არქიტექტურის თვალსაზრისით, მშვიდობის უზრუნველყოფის ყველაზე მძლავრი და ეფექტური მექანიზმია და მისი  გაფართოებით,  თავისუფლების საზღვრები ფართოვდება. მისივე თქმით, ვინაიდან ნატო-საქართველოს არსებითი პაკეტის მთავარი ამოცანა, საქართველოს ნატოში გაწევრიანებისთვის მზადებაა, "ქართული ოცნების" პოლიტიკური გუნდის ამბიცია, პაკეტის დროულად და ეფექტურად განხორციელებაა.
"საქართველოს არჩევანი ცხადზე უცხადესია. ვიღწვით დემოკრატიული, განვითარებული, სტაბილური და მშვიდობიანი ქვეყნების ოჯახის წევრობისთვის. ნატო დღევანდელ მსოფლიოში უსაფრთხოების არქიტექტურის თვალსაზრისით, მშვიდობის უზრუნველყოფის ყველაზე მძლავრი და ეფექტური მექანიზმია.ნატო-ს გაფართოებით, ფართოვდება თავისუფლების საზღვრები.ძლიერდება უსაფრთხოების რკალი და დედამიწის უფრო მეტ სეგმენტზე ისადგურებს მშვიდობა.ნატო-ს მოაქვს მშვიდობა.საქართველოს ევროპულ ოჯახში წევრობა ბევრი თაობის ოცნება იყო.დამოუკიდებელი საქართველოს დღევანდელ თაობას, ჩვენს ახალგაზრდებს გვაქვს ამბიცია, რომ მრავალი ქართველთა თაობის ოცნება რეალობად ვაქციოთ. ნატო-საქართველოს არსებითი პაკეტის დროულად და ეფექტურად განხორციელება, ჩვენი პოლიტიკური გუნდის, პრემიერ-მინისტრის, მთავრობის, პარლამენტის და ქვეყნის მთავარსარდლის უმნიშვნელოვანესი პრიორიტეტია, ვინაიდან თავად არსებითი პაკეტის, მთავარი ამოცანა, საქართველოს ნატოში გაწევრიანებისთვის მზადებაა",-განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს