2020-06-16 14:21:43, 1146 ნახვა

---

ვოლსკი გაბუნიას შესაძლო ლიკვიდაციაზე - ეს არის კრიმინალური დანაშაული, რომელიც ემსახურებოდა საქართველოში დესტაბილიზაციის შექმნას

ეს არის კრიმინალური დანაშაული, რომელიც ემსახურებოდა საქართველოში დესტაბილიზაციის შექმნას, - ამის შესახებ პარლამენტის თავმჯდომარის პირველმა მოადგილემ გია ვოლსკიმ ჟურნალისტ გიორგი გაბუნიას ლიკვიდაციის დაგეგმვასთან დაკავშირებით განაცხადა.

როგორც მან აღნიშნა, რუსეთი არ გაუშვებს ხელიდან შესაძლებლობას, რომ საქართველოში არეულობა და დესტაბილიზაცია შემოიტანოს.

„მაშინაც ვთქვი, რომ უწმაწური გინება შეუფერებელია მედიასივრცისათვის. რასაკვირველია, ეს ემსახურება გამოწვევას, რომ იქიდანაც რაღაც ზომები იქნას მიღებული. რასაკვირველია, რუსეთი არ გაუშვებს ხელიდან შესაძლებლობას, რომ არეულობა, დესტაბილიზაცია შემოიტანოს ჩვენს ქვეყანაში. თავისთავად ადამიანის მოკვდინება უშველებელი ცოდვაა, რასაც არ დაგიდებს რუსეთის ფედერაცია. ვის რა დამოკიდებულებაც არ უნდა ქონდეს კონკრეტული ადამიანების მიმართ, სიცოცხლის წართმევა არის უდიდესი არამარტო ცოდვა, არამედ კრიმინალური დანაშაული“, - განაცხადა გია ვოლსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი