2020-06-12 15:45:08, 2032 ნახვა
სამართალი
სასამართლომ გიორგი ჭანტურიას ექვსი წლით თავისუფლების აღკვეთა მიუსაჯა
სასამართლომ გიორგი ჭანტურია გენერალ სამსონ ქუთათელაძის მკვლელობის ნაწილში გაამართლა, ხოლო ცეცხლსასროლი იარაღის, უკანონო შეძენა- შენახვის ნაწილში დამნაშავედ ცნო და 6 წლით პატიმრობა მიუსაჯა.
აღნიშნული გადაწყვეტილება რუსთავის საქალაქო სასამართლოში ცოტა ხნის წინ მიიღეს და გიორგი ჭანტურია დარბაზშივე დააკავეს.
ცნობისთვის, სამსონ ქუთათელაძე საკუთარ კაბინეტში 2018 წლის 15 იანვარს ცეცხლსასროლი იარაღით მოკლული იპოვეს. საქმეზე გიორგი ჭანტურია მალევე დააკავეს, თუმცა იგი 18 იანვარს, ბრალის წარდგენის გარეშე გაათავისუფლეს. მოგვიანებით კი ჭანტურია სამართალდამცველებმა 8 აგვისტოს განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით დააკავეს.
ავტორი: ექსპრესნიუსი,
epn.ge (@expressnews.ge)
