ეკონომიკისა და მდგრადი განვითარების მინისტრი ნათია თურნავა, 13 რესპუბლიკელი კონგრესმენის ანგარიშს გამოეხმაურა და აღნიშნა, რომ ეს არის ანალიტიკური კვლევა, სადაც საქართველოზე რაც წერია, ძირითადად პოზიტიურია.

თუმცა, მისივე თქმით, ფრაზა, სადაც საუბარია ივანიშვილის რუსეთთან კომუნიკაციაზე, არის ოპონენტების მიერ, ლობისტების ხელით მიწოდებული ინფორმაცია საქართველოს სტრატეგიული პარტნიორებისთვის.

„წლიდან წლამდე ჩვენი ურთიერთობები სტრატეგიულ პარტნიორთან, აშშ-სთან ძლიერდება და ადის საკმაოდ მაღალ დონეზე. თუ გაეცნობიტ, ეჭვი მაქვს იმ ერთი ფრაზის იქით, არავინ გაეცნო ანალიტიკურ კვლევას, რესპუბლიკური პარტიის რადიკალური ფრთის. თქვენ თუ გაეცნობით, ნახავთ, რომ ანგარიშში საქართველოზე რაც წერია, ძირითადად არის პოზიტიური. ერთი ფრაზა ამოვარდნილია იმ დოკუმენტის კონტექსტიდან, რაზეც აპელირებთ. იქ არის საუბარი, რომ „ქართული ოცნება“ არის ალიანსსში რუსეთთან და ეს იწვევს დესტაბილიზაციას, მაშინ რა შუაშია აშშ-სთან მაღალ დონეზე ჩვენი სამხედრო ურთიერთობები? ჩანს, რომ ეს ფრაზა არის ინპლანტირებული ხელოვნურად. საგანგაშოა, რომ მავანნი, ჩვენი პოლიტიკური ოპონენტები, არ აქცევენ იმას ყურადღებას, რომ შეიძლება ავნონ საქართველოს იმიჯს. ყველანაირად ცდილობენ, რომ მცდარი, დესტრუქციული ინფორმაია მიაწოდონ თავისი ლობისტების ხელით ჩვენს პარტნიორებს და ეს ფრაზა, სწორედ ამის მანიშნებელია“ - განაცხადა თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს