ამერიკის შეერთებულ შტატებსა და ევროპის სხვადასხვა ქვეყნებში, რასიზმის წინააღმდეგ დაწყებული აქციები არ წყდება. ქუჩებში ათიათასობით დემონსტრანტია გასული. ექსპერტები კი შიშობენ, რომ მასობრივმა აქციებმა, შესაძლოა, კორონავირუსის მეორე ტალღა გამოიწვიოს.

„ეს შესანიშნავი შესაძლებლობაა, რომ მომავალში კიდევ მობრუნდეს ვირუსი. აი პირველი, რასაც ვხედავ“, - ამბობს ჯონ შვარცბერგი, პროფესორი ინფექციური დაავადებების განხრით და ვაქცინოლოგი კალიფორნიის უნივერსიტეტში.

პროფესორის თქმით, ხალხი ყოველთვის არ იცავს სოციალურ დისტანციას და არ ატარებს ნიღბებს და ეს არა მხოლოდ დემონსტრანტებს, არამედ პოლიციელებსაც ეხებათ.

საფრანგეთში, გასულ კვირას ხელისუფლებამ აკრძალა დემონსტრაციები, კოვიდ19-ის მეორე ტალღის არიდების მიზნის, თუმცა აქციები მაინც არ შეწყვეტილა. ოფიციალურად, საფრანგეთში საზოგადოებრივი თავშეყრის ადგილებში 10 კაცზე მეტის შეკრების უფლება მოსახლეობას არ აქვს.

ავსტრიელი ჩინოვნიკების განსჯის საგნადაც იქცა მიტინგები, რომლებიც ქვეყანაში გასულ შაბათ-კვირას გაიმართა და ხელისუფლებამ მოუწოდა დემონსტრანტებს, დაიცვან წესები, რომლის მიხედვითაც ქუჩაში 300 კაცზე მეტი ადამიანის შეკრება აკრძალულია.

შვარცბერგი ასევე აცხადებს, რომ ჯერ შეუძლებელია დადასტურებულად ითქვას, რომ აქციები კორონავირუსის მეორე ტალღას მოიტანს.როგორ ის აღნიშნავს, რამდენიმე კვირის შემდეგ უფრო გაირკვევა, გამოიწვევს თუ არა პროტესტი ამას. ამასთანავე, მეცნიერმა დაუშვა, რომ შესაძლოა ინფიცირებულთა მატება არ იყოს გამოწვეული დემონსტრაციებით, თუმცა ამის შანსი მაინც ძალიან მაღალია.

შვარცბერგმა მოუწოდა აქტივისტებს, რომ დაიცვან ელემენტარული უსაფრთხოების ზომები.

„თუ თქვენ გაიკეთებთ ნიღაბს, მაშინ, როდესაც თქვენ ყვირით, ჰაერში ხვდება ნაკლები ბაქტერია, რომლებმაც შესაძლოა დააინფიციროს ხალხი. შეეცადეთ დაიცვათ 1,5-2 მეტრიანი დისტანცია სხვა ადამიანებისგან, თუ თქვენ ამ ორ რეკომენდაციას მაინც გაითვალისწინებთ, ეს უკვე იქნება მნიშვნელოვანი ნაბიჯი ინფექციის მასობრივად გავრცელებისა“, - აცხადებს შვარცბერგი.

მან ასევე მოუწოდა პოლიციელებს, რომ შეწყვიტონ ცრემლსადენი გაზის გამოყენება, რადგან მისი გაშვების წუთიდან, ადამიანები იწყებენ თვალებთან ხელის მიტანას, რაც დაინფიცირების შანსებს ზრდს. მეტიც, ცრემლსადენი გაზის გამოყენების შემდეგ ხალხმა შესაძლოა დაკარგოს ორიენტაცია სივრცეში და ერთმანეთთან დაახლოვდეს, შეეჯახოს, რაც გამოიწვევს ინფიცირებას.

„თქვენ იღებთ გადაწყვეტილებას და ფიქრობთ იმაზე, რაც უსაფრთხოა თქვენთვის, თუმა თქვენ არ უნდა დაგავიწყდეთ გარშემომყოფები, რომლებიც შესაძლოა დააინფიციროთ“, - აცხადებს შვარცბერგი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა