საქართველოს პარლამენტის წევრის, ფრაქცია „დამოუკიდებელი დეპუტატების" თავმჯდომარის მოადგილე ლევან კობერიძე, „ევროპული საქართველოს" წევრის, აკაკი ბობოხიძის შეთავაზებას გამოეხმაურა.
 
ლევან კობერიძის თქმით, არსებობს გარკვეული სახის წითელი ხაზები, მათ შორისაა გაერთიანებული ოპოზიცია და  მოლაპარაკების მაგიდა, რომელიც ორპოლუსიანობის ნათელი მაგალითია და ის არასდროს შეუერთდება.

„როგორც წყალი და ზეთი არ შეერევა ერთმანეთს, ისე მე არასოდეს დავჯდები იმ მაგიდასთან, სადაც "ნაციონალური მოძრაობა" და მისი თანავარსკვლავედია წარმოდგენილი! ჩემთვის ეს ორპოლუსიანობა არის წითელი ხაზი. ჩემი ამოცანაა, ისეთ პოლიტიკურ გუნდთან ერთად მივიღო მონაწილეობა არჩევნებში, რომელიც "ქართულ ოცნებასაც" და "ნაციონალურ მოძრაობასაც" გაწევს პოლიტიკიდან!" - განაცხადა კობერიძემ.

 მისი თქმით, იქ სადაც „ნაციონალური მოძრაობაა" მისი ადგილი არ არის და ის, აზრი, რომ  ყველა ოპოზიციური პარტია თუ დამოუკიდებელი დეპუტატები ერთად შეიკრიბონ და ასე მოიპოვონ გამარჯვება არჩევნებში, ორპოლუსიანობის ნარატივია.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს